निरहुआ के एंट्री से कंफ्यूजीआइल जनता

भईया लोगन चुनाव निअरा गइल बा और जेके देखा ऊ कउनो  ने कउनो राजनीतिक पार्टी ज्वाईन कइल चाहत बा। अब  अपने निरहुआ भईया के देख ला उ हो अब चाऊकिदार हो गइलें, अरे मतलब BJP ज्वाइन कई लेहने हो ।अब ते यादव भईया अउर यूपी के पब्लिकवा  कंफ्यूजिया गइल बाटे औऱ कंफ्यूजिअहिये काहे नही ,अब रॉउरे सोची अगर निरहुआ भईया वो ही जगह से चुनाव लड़े जहा से अखिलेश यादव जी लड़त बानी अउर रउआ यादव हई और दुनो नेतवो यादव हवे , एगो नेता अउर दुसरका अभिनेता और रउआ दोनों के प्रसंसक हई ते रउआ के के वोट देब। आपहु  कंफ्यूजीआ गइली ने । ईहे हाल भईल बा यादव भईया लोगन के जे जाति देख के वोट देवेला।
एक ओर अखिलेश यादव जी बानी जे पिछले बेर यूपी के  मुख्यमंत्री रहले। उनपर भ्र्ष्टाचार के आरोप बा, CBI के जांच चलत बा लेकिन उनके लगे राजनीति के अनुभवो ते बा , उ शासन ,प्रशासन सब जानत बाटे, एगो बढ़िया नेता हवे, जनता के ख़ातिन बहुत कुछ कइले बाटे, और यादव भईया लोगन ते उनके खूब  प्यार करे ले।।
अउर दूसरे ओर निरहुआ भईया यानी दिनेश लाल यादव जी बाने जेकरा लगे राजनीति के अनुभव ते नाही बा लेकिन खुद के भोजपुरिया स्टार सुनले के अनुभव खूब बा। ई गांव-घर से आये वाला अभिनेता हवे, जमीन से जुडल रहे ले, ई गांव के गरीब जनता के दुःख-दर्द ,परेसानी बढ़िया से समझत होइहे अऊर इनहू के यूपी और बिहार के जनता खूब प्यार करेले।निरहुआ के जीतले के प्लस पोइन्ट ई बा कि ई मोदी और योगी के आड़ में चुनाव लड़त बाटे।

अश्विनी विश्वकर्मा-

"रउआ कइसन चऊकीदार हई "

का आपहु चौकीदार हई ?अरे उहे चौकीदार जवन रतिया भर जग के अपने गांउआ के रखवारी करेला हो ताकि कउनो बहरवा या गँऊआ के चोर केहू अमीर आदमी के घर नाही लूट ले, हाँ हो खाली अमीर अदमी के घर काहेकि गरीब टोलवा के तरफ ते चौकीदार जइबे नाइ करेला, ओके लागेला की ओहर गईल बेकार बा । अगर आपहु चौकीदार हई ते रउरो लगे   एगो पिपहिरी अऊर डंडा ते होबे करि। डंडवा गावँ के कुकुरन से बचे ख़ातिन अऊर पिपहिरिया चोरवन के  आप से बचे ख़ातिन। रउआ अइसन चौकीदार हई तब ते रउआ ठीक-ठाक चौकीदारी कर रहल बानी। रुकी-रुकी कही रउआ वइसन चौकीदार ते नाइ हई जवन अपने घर से पिपहिरी अऊर डंडा लेके रखवारी खातीर निकले ला ते लेकिन  एगो पऊआ मार के गावँ के  चबूतरा पे मस और कुत्तन से अपने रखवारी करवावेला और चोर बगलिये के घर मे डांका डाल के रउआ डंडा लेकर ही भाग जाले। अगर आप अइसन चौकीदार हई ते हम ते कहब की रउआ चौकीदारी छोड़ दी और खुद के चौकीदार बोलावल बंद कर दी।
           प्रधानमंत्री श्री नरेन्द्र मोदी द्वारा शुरू कइल गईल कैंपेन "मैं भी चौकीदार हूँ " में देश के ढेर  सारे BJP नेता और नरेंद्र मोदी के समर्थक खुद के चौकीदार कहत बाने। सोशल मीडिया में ई हैशटैग के साथे ट्रेंड करत रहल पर जइसे ही प्रधानमंत्री नरेंद्र मोदी जी ने ट्वीटर पर आपन नाम बदल के  "चौकीदार नरेंद्र मोदी " कइले यानी कि अपने नमवा से पहिले चौकीदार जोड़ने एगो नया ट्रेंड शुरू हो गइल । फिर का रहे एक बाद एक BJP नेता लोगन, कार्यकर्ता लोगन, और मोदी के चाहे वाला भी अपने नमवा के आगे चौकीदार जोड़ देहले।।
          अब हमार सवाल ऊ सब सोशल मीडिया चौकीदार लोगन से ई बा की का अपने सोशल अकॉउंटवा पे चौकीदार जोड़ देहले से ऊ सही में चौकीदार हो गईले?
का अब ऊ खुद चोरी नाही करिहें?
का उ दूसरे के भी चोरी करे नाइ दिहे?
का अब ऊ अपने घर , गावँ ,नगर, जिला,राज्य अउर देश के रखवारी ईमानदारी से करिहें??

Ashwani Vishwakrma